नेपालगञ्ज : कोरोना भाइरसको संक्रमण बढ्दै गएपछि स्वास्थ्य तथा जनसङ्ख्या मन्त्रालयले बाँकेसहित १४ जिल्लालाई अतिसंवेदनशील जिल्ला घोषणा गरेको छ ।
मन्त्रालयले देशभरका नागरिकहरूलाई कोरोना भाइरसको संक्रमणबाट जोगिन पूर्ण रूपमा स्वास्थ्य मापदण्ड पालना गरेर जिम्मेवार बन्न समेत आग्रह गरेको छ ।
त्यस्तै अति संवेदनशील क्षेत्रका रूपमा घोषणा गरिएका जिल्लाहरूमा राति ७ बजेपछि सबै व्यवसाय बन्द गर्न समेत मन्त्रालयले आग्रह गरेको छ ।
मन्त्रालयका सह प्रवक्ता डा. समीर कुमार अधिकारीको हस्ताक्षर रहेको विज्ञप्तिले विभिन्न ८ बुँदे अपिल जारी गरी संक्रमणबाट जोगिनका लागि सजग हुन आग्रह गरेको हो ।
