नेपालगञ्ज : दाङका कोरोना संक्रमित पुरुषको कोहलपुरमा मृत्यु भएको छ । राप्ती गाउँपालिका वडा नम्बर ४ का ४२ बर्षीय पुरुषको नेपालगञ्ज मेडिकल कलेज शिक्षण अस्पताल कोहलपुरमा बिहीवार विहान मृत्यु भएको हो ।
स्वास्थ्यमा समस्या आए पश्चात् मंसिर २ गते नेपालगञ्ज मेडिकल कलेज कोहलपुरमा भर्ना भएका उनको कोभिडको आशंकामा त्यसै दिन स्वाब संकलन गरिएको थियो । मंसिर ३ गते उनमा कोरोना पुष्टि भएको जिल्ला कोभिड–१९ संकट व्यवस्थापन केन्द्र बाँकेका फोकल पर्सन नरेश श्रेष्ठले जानकारी दिए ।
विरामीकोे रोगको प्रकृति अनुसार उपचार गरिएपनि स्वास्थ्यमा सुधार नभएपछि उनको मृत्यु भएको श्रेष्ठले बताए । योसंगै बाँकेमा उपचारका लागि आएका बाहिरी जिल्लाका ५० जना कोरोना संक्रमितको मृत्यु भइसकेको छ ।
