बर्दिया : बुटवलबाट धनगढी गइरहेको लु ८५७१ नम्बरको यात्रुबाहक बस बिहीबार पल्टिँदा आठ जना घाइते भएका छन । पूर्व पश्चिम राजमार्गस्थित बर्दियाको ठाकुरबाबा नगरपालिका ४ सैनावारमा बस अनियन्त्रित भइ पल्टिएको जिल्ला ट्राफिक प्रहरी कार्यालयले जनाएको छ ।
बस पल्टिँदा एक यात्रु गम्भीर भएको जिल्ला ट्राफिक प्रहरीले जनाएको छ । उनलाई थप उपचारका लागि कोहलपुर पठाइएको छ । अन्य सात जना सामान्य उपचारपछि घर फर्केका छन् ।
