सदरलाइनडटकम,
नेपालगञ्ज : ट्रकको ठक्करबाट नेपालगञ्जमा तीन जना घाईते भएका छन । बुधवार बेलुका गणेशमान चोक नजिकै मालबहाक ट्रकले एकै पटक ३ वटा अटो रिक्सा, २ वटा बाईक र एउटा स्कुटीलाई ठक्कर दिएको हो ।
नेपालगञ्जबाट कोहलपुतर्फ जाँदै गरेको ट्रकले ठक्कर दिँदा खजुरा २ का ६४ वर्षीय मोटरसाईकल चालक लालबहादुर थापा गम्भीर घाईते भएका छन् । त्यसैगरी नेपालगञ्ज १३ का अटो चालक सुरज सोनी र स्कुटी सवार खजुरा १ का १९ वर्षीय धिरज थापा घाईते भएका छन् ।
ना ७ ख १३९३ नम्बरको ट्रकले भे १ ह ३०७३, भे १ स ३४५६ र भे १ स १२११ नम्बरका ३ वटा अटोलाई ठक्कर दिएको हो । त्यसैगरी भे ४ प ७४१२, भे ५ प ९१४७ नम्बरको मोटरसाईकल र भे ६ प ४१०९ नम्बरको स्कुटरलाई ट्रकले एकसाथ ठक्कर दिएको ट्राफिक प्रहरी कार्यालय बाँकेका प्रमुख पविन्द्र बमले जानकारी दिए ।
घाईतेहरुको नेपालगञ्ज मेडिकलमा उपचार भईरहेको र ट्रक तथा चालकलाई जिल्ला प्रहरी कार्यालय बाँकेमा बुझाईएको बमले बताए ।
ट्रकको ठक्करबाट नेपालगञ्जमा तीन घाईते
५ चैत्र २०७६, बुधबार १८:००
