सदरलाइनडटकम,
नेपालगञ्ज : महेन्द्र बहुमुखी क्याम्पस नेपालगन्जमा मंगलबार (आजदेखि) अन्तर सकांय भलिबल प्रतियोगिता एमएमसी कप सुरु भएको छ ।
आगामी माघ १६ सरस्वती पूजाका दिन समापन हुने सो प्रतियोगितामा सबै सकांयबाट छात्रतर्फ १२ र छात्रा ५ गरि जम्मा १७ टिमको सहभागिता रहेको खेल सयोजक अनेरास्ववियुका सचिब प्रकाश बिकले जानकारी दिए ।
क्याम्पसले आयोजना गरेको सो प्रतियोगिता सञ्चालनका लागि अखिल क्रान्तिकारीका उपाध्यक्ष ध्रुब जोशी र नेबिसंघ मब ईकाई सभापति चन्द्रप्रकाश देवकोटासहित ७ सदस्यीय समिति निर्माण गरिएको खेल व्यवस्थापक महेश एरीले बताए ।
क्याम्पस प्रमुख गणेश रेग्मीले बल सर्भिस गरेर खेलको उद्दघाटन गरेका थिए ।
