नेपालगञ्ज : कोहलपुर नगरपालिका वडा नम्बर २ बर्दहवामा एक २० वर्षीया युवती मृत अवस्थामा फेला परेकी छिन् ।
ईलाका प्रहरी कार्यालय कोहलपुरका प्रमुख प्रहरी नायब उपरीक्षक (डीएसपी) सुन्दर तिवारीका अनुसार स्थानीय २० वर्षीया प्रिती थारु घरमै मृत अवस्थामा फेला परेकी हुन् ।
मृत फेला परेपनि घटना शंकास्पद रहेको हुँदा ‘मृतकले आत्महत्या गरेको हो की हत्या नै हो भन्ने कुरा पोस्टपार्टम् रिपोर्ट आएपछि खुल्छ’ डीएसपी तिवारीले भने, ‘घटना शंकास्पद भएकोले तीन जनालाई नियन्त्रणमा लिएका छौं ।’ कोहलपुर प्रहरीले श्रीमान्, ससुरा र जेठाजुलाई नियन्त्रणमा लिएर सोधपुछ गरिरहेको छ ।
घटनाको दिन बिहान समेत श्रीमानसहित घरपरिवारका सदस्यले कुटपिट गरेको खुल्न आएको कोहलपुर प्रहरीले जनाएको छ ।
