सदरलाइनडटकम,
काठमाडौ : नेपालका लागि अमेरिकी राजदूत र्यान्डी बेरीले नेपाल भ्रमण वर्ष २०२० सफल बनाउन अपिल गरेका छन । राजदूत बेरीले नेपाल भ्रमण वर्ष २०२० सफल बनाउन अमेरिकी मिसनका सबै सामाजिक संजालहरुमा नेपाललाई एक उत्कृष्ट पर्यटकीय गन्तब्यको रुपमा प्रचार गर्ने घोषणासमेत गरे ।
बेरीले आफ्नो ट््वीटरबाट नेपाल भ्रमण वर्षको अभियानलाई सफल बनाउन अपील गरेको कुरा अमेरिकी राजदूताबासको फेसबुक पेजबाट बिहीबार सार्वजनिक गरिएको छ ।
अमेरिकी राजदूताबासका अनुसार आउने केही साता नेपालस्थित अमेरिकी मिशनमा कार्यरत कर्मचारी र परिवारले नेपाल घुम्दाको अनुभव र तस्वीर सामाजिक संजालमा सेयर गर्नेछन् । जो नेपाल घुम्न आउने हजारौं अमेरिकी पर्यटकहरूजस्तै नेपालको सुन्दरतामा रमाउन मन पराउने विश्वास गरिएको छ ।
अमेरिकी दूताबासले फेसबुक पेजमा अपिलसँगै राजदूत बेरीले नेपालका विभिन्न मठ मन्दिर र पर्यटकीय गन्तब्य घुमेका तस्वीर समेत राखेको छ ।
प्रतिक्रिया दिनुहोस्