सदरलाइनडटकम,
नरैनापुर, (बाँके) : बाँकेको नरैनापुर गाउँपालिकामा शनिबारदेखि बृहद बृक्षारोपण सुरु गरिएको छ । गाउँपालिकाका अध्यक्ष इस्तियाक अहमद शाहले बिरुवा रोपेर बृक्षारोपण कार्यक्रमको सुरुवात गरेका हुन ।
गाउँपालिकाको सरकारी कार्यालय, सरकारी विद्यालय, वडा नम्बर २ लक्ष्मणपुरस्थित रानी सामुदायिक वनमा बृक्षारोपण गरिने वडा नम्बर १ र ४ का सचिव लक्ष्मीकान्त मिश्राले जानकारी दिए । करिब २० हजार बिरुवा रोपिने गरी तयारी गरिएको उनले बताए ।
नरैनापुर गाउँपालिकाको सहयोग तथा बहुउद्देश्यीय विकास मंच नरैनापुर बाँकेको आयोजनामा बृक्षारोपण सुरु गरिएको हो । बृक्षारोपण सुभारम्भ कार्यक्रममा वडा नम्बर २ का वडा अध्यक्ष मसुद अहमद शाह, वडा नम्बर १ र ४ का सचिव मिश्रा, बहुउद्देश्यीय विकास मंच बाँकेका अध्यक्ष शिवचरण यादव लगायतले बिरुवा रोपेर सहभागिता जनाएका थिए । गाउँपालिकालाई स्वच्छ र हरियाली बनाउन बृक्षारोपण सुरु गरिएको गाउँपालिका अध्यक्ष शाहले वताए । उनले सबैलाई यस अभियानमा जोडिन पनि आग्रह गरेका छन् ।
नरैनापुरमा बृहत् बृक्षारोपण, २० हजार बिरुवा रोपिँदै
४ श्रावण २०७६, शनिबार १८:२४
