सदरलाइनडटकम,
दाङ : दाङको तुलसीपुरमा एक ब्यक्तिमाथि तरवार प्रहार भएको छ । तुलसीपुर ४ रक्षाचौर निवासी अञ्दाजी २७ बर्षीय गणेश हमाल माथि तरवार प्रहार भएको जिल्ला प्रहरी कार्यालय दाङले जानकारी दिएको छ ।
दुई तीनजनाको समूहमा आएका केही युवाहरुले हमाल माथि तरवार प्रहार गरेको जिल्ला प्रहरी कार्यालय दाङका प्रहरी नायब उपरीक्षक रामप्रसाद घर्तीले बताए । दिउँसो ३ बजेतिर सल्यान रोडमा हमाल माथि तरवार प्रहार भएको हो । तरवार प्रहार गरेको आरोपमा एक युवालाई पक्राउ गरेको समेत उनले बताए । पक्राउ पर्नेमा तुलसीपुर उपमहानगरपालिका ७ डाँडापातु बस्ने बर्ष २१ को असिम सिंह राठोर रहेको प्रहरीले बताएको छ ।
तरवार प्रहारमा संलग्न अन्य भने फरार रहेका छन् । तरवार प्रहार हुनुको कारणलगायतका बिषयमा अनुसन्धान जारी रहेको प्रहरीको भनाई छ । तरवार प्रहारबाट हमालको टाउको, हात, खुट्टा र ढाडमा गम्भीर चोट लागेको प्रहरीले बताएको छ ।
उनको राप्ती प्रादेशिक अस्पताल तुलसीपुरमा उपचारपछि थप उपचारका लागि नेपालगञ्ज मेडिकल कलेज कोहलपुर लगिएको छ । उनी सल्यान रोडस्थित ट्याक्सी समितिको काउन्टरमा बसिरहेको अबस्थामा मोटरसाईकलमा आएका युवाहरुले तरवार प्रहार गरेका हुन् ।
तरवार प्रहार हुँदा एकजना गम्भीर घाईते
१७ फाल्गुन २०७५, शुक्रबार १८:०९
