सदरलाइनडटकम,
गुल्मी : आमाछोरीसहित तीन जनाको हत्या आरोपमा दुई जनालाई पक्राउ गुल्मी प्रहरीले सार्वजनकि गरेको छ । चन्द्रकोट गाउँपालिका–३ हर्राचौरमा झण्डै १५ दिन पहिले बेवारिसे अवस्थामा फेला परेका ३ वटा शवको पहिचाहनसँगै हत्यामा आरोपमा पक्राउ परेका दुई जनालाई प्रहरीले शुक्रवार सार्वजनिक गरेको हो ।
बाग्लुङ गल्कोट नगरपालिका ८ ज्यामिरेका ४६ वर्षीय पूर्णबहादुर सुनार र १९ वर्षीय माधव सुनार पक्राउ परेको र अर्का एक अभियुक्त फरार रहेकोले खोजी भईरहेको गुल्मीका प्रहरी उपरीक्षक राजेन्द्रसिंह खड्काले बताए ।
मृत्यु हुनेमा मोरङ कानेपोखरी गाउँपालिका– ३ हरकपुर घर भई हाल पोखरा महानगरपालिका बस्दै आएकी ३२ वर्षीया सरिता भन्ने शिवमाया लिम्बु र उनका ७ वर्षका जुम्ल्याहा छोरीहरु गंगा र जमुना रहेको प्रहरीले बताएको छ ।
जिल्ला प्रहरी कार्यालय गुल्मी र केन्द्रीय अनुसन्धान ब्यूरो सीआईबीको टोलीले उनीहरुलाई पोखरा महानगरपालिका २५ हेम्जास्थित डेराबाट पक्राउ गरेको हो । तीन जनाको निर्ममतापूर्वक हत्या गरी कच्ची सडकबाट ४ मिटर पर शव फालिएको अवस्थामा भेटिएको थियो ।
आमाछोरीको हत्या आरोपमा दुई पक्राउ
२९ कार्तिक २०७६, शुक्रबार १४:४४
