सदरलाइनडटकम,
दाङ : सल्यानमा छोराको कुटपिटबाट बुबाको मृत्यु भएको छ । जिल्लाको त्रिवेणी गाउँपालिका ३ काराँगिठी ज्यामिरेका ४० वर्षीय कृष्णबहादुर रानाको उनकै छोरा दुर्गाबहादुर रानाको कुटपिटबाट मृत्यु भएका हो ।
गत माघ २८ गते कुटपिट गरी घाइते भएका रानाको २९ गते बिहान मृत्यु भएको जिल्ला प्रहरी कार्यालय सल्यानले जनाएको हो । मादक पदार्थ सेवन गरेका बुबालाई सम्झाइबुझाई गर्दा पनि नमानेपछि आवेगमा आएर कुटपिट गरेको प्रहरी अनुसन्धानमा खुलेको छ । प्रहरीका अनुसार मृतक रानाले पहिलेदेखि अत्याधिक मात्रामा मादक पदार्थ सेवन गरी आमासँग झगडा गरेको र बुवालाई सम्झाइबुझाई गर्दा नमानेपछि छोराले आवेगमा बुबालाई खुट्टा र लठ्ठीले शरीर र मुखमामा प्रहार गरेका हुन् ।
छोराको कुटाइबाट मुर्छित बाबुको भोलिपल्ट बिहान मृत्यु भएको प्रहरीको अनुसन्धानबाट खुलेको हो । घटनाको थप अनुसन्धानका लागि छोरा दुर्गा बहादुर रानालाई पक्राउ गरी जिल्ला अदालतमार्फत १० दिनको म्याद थप गरिएको जिल्ला प्रहरी कार्यालयले जनाएको छ ।
छोराको कुटाईबाट सल्यानमा बाबुको मृत्यु
४ फाल्गुन २०७५, शनिबार १६:१४
