सदरलाइनडटकम
१३ चैत, नेपालगन्ज : बाँकेको खजुरा गाउँपालिकालाई यसै महिनाभित्र पुर्ण खोप सुनिश्चित घोषणा तयारी अन्र्तगत वडा नम्बर ५ र ६ लाई मंगलबार पुर्ण खोप सुनिश्तित घोषणा गरिएको छ ।
एक कार्यक्रमका बीच खजुरा गाउँपालिकाका प्रमुख किस्मतकुमार कक्षपति, वडा नम्बर ५ का अध्यक्ष देबेन्द्रमान श्रेष्ठ, वडा नम्बर ६ का अध्यक्ष साबिर जोलाहसहितका जनप्रतिनिधि, जनस्वास्थ्य कार्यालय बाँकेका खोप सुपरभाईजर देवेन्द्र कंडेल लगायतको उपस्थितीमा सो घोषणा गरिएको हो ।
कार्यक्रममा बोल्दै खजुरा गाउँपालिकाका प्रमुख किस्मतकुमार कक्षपतिले खोप नलगाए कै कारण कुनै पनि बालबालिका अकालमा ज्यान गुमाउन नपरोस भनेर गरिएको कार्यक्रम सफल पार्न सबैलाई आह्वान गरे ।
कार्यक्रममा उढरापुर स्वास्थ्यचौकीका इन्चार्ज तेजबहादुर ओलीले यस अवधीम २ सय १० बालबालिकालाई हरेक प्रकारको खोप दिइएको बताउँदैैैै सहयोग गर्ने सबैलाई धन्यबाद दिए । कार्यक्रममा जनप्रतिनिधि, खजुरा गाउँपालिका स्वास्थ्य संयोजक पुर्ण खड्का, उपसंयोजक लक्ष्मी केसी लगायतको सहभागिता रहेको थियो ।
