सदरलाइनडटकम
२५ मंसिर, नेपालगन्ज : शहरी स्वास्थ्य क्लीनिक सञ्चालनको लागि नेपालगन्ज – २३ स्थित ३ कठ्ठा सरकारी जमीनमा आठ कोठे भवनको सोमबार भवनको शिलान्यास गरिएको छ । स्वास्थ्य मन्त्रालय प्राथमिक स्वास्थ्य सेवा पुनर्जागरण महाशाखाको सहयोगमा नेपालगन्ज उप–महानगरपालिकाले भवन निर्माण गर्ने भएको हो ।
६५ लाख ४३ हजार लागतमा निर्माण हुने भवनको उप–महानगरपालिकाका प्रमुख डा धवल शमशेर राणाले एक कार्यक्रमकावीच विधिवत शिलान्यास गरे । सो भवनको निर्माणको जिम्मेवारी राधा शर्मा कन्सट्रक्शन नेपालगन्जले लिएको उप–महानगरपालिका प्राविधिक तथा योजना शाखा प्रमुख इन्जिनियर सुरज गुप्ताले जानकारी दिए ।
इन्जिनियर गप्ताका अनुसार ८ महिनाभित्र भवन निर्माण गरिसक्नु पर्नेछ । भवन निर्माणपछि सो क्षेत्रका जनताले सहज र सर्वसुलभ प्राथमिक स्वास्थय सेवा पाउने विश्वास गरिएको छ ।
![](https://sadarline.com/wp-content/uploads/2022/07/3.jpg)