सदरलाइनडटकम
९ भदौ, नेपालगन्ज : दाउराको चिरपटले हानेर बाँकेको नौवस्तामा एक महिलाको हत्या भएको ईलाका प्रहरी कार्यालय कोहलपुरले जनाएको छ ।विहीबार तिलकपुर–९ नौवस्ता निवासी डल्ली थारुलाई सोही गाँउ निवासी रामकुमार (डेरेस) थारुले चिरपटले हान्दा उनको मृत्यु भएको हो । 
ईप्रका कोहलपुरका ईञ्चार्ज प्रहरी नायव उपरिक्षक सुरेश प्रसाद काफ्लेका अनुसार पीतक डेरेसले आफ्नी श्रीमतिलाई बोक्सी लागेको भन्दै हातमा दाउराको चिरपटले डल्लीमाथि प्रहार गर्दा डल्लीको टाउको फुटेको थियो । थारुको प्रहारबाट घाईते भएकी डल्लीलाई उपचारको लागि नेपालगन्ज शिक्षण अस्पताल कोहलपुर पु¥याईएको थियो ।
घटना लगत्तै अस्पताल पु¥याए पनि उपचार सम्भव नभएको भन्दै लखनउ रिफर गरिएको प्रहरी स्रोतले जनाएको छ । थप उपचारको लागि लखनउ लादै गर्दा डल्लीको बाटो मै मृत्यु भएको ईलाका प्रहरी कार्यालय कोहलपुरले जानकारी दिएको छ । नियतवश थारुले डल्लीको हत्या गरेको भन्दै स्थानीयहरु तथा आफन्तहरु आक्रोशित भएका छन । उनीहरुले दोषीलाई कडा कारबाहीको माग समेत गरेका छन ।
यसैगरी कोहलपुर–७ मा साथिको जन्मदिन मनाएर फर्कने क्रममा एक युवती सामुहिक बलात्कृत भएकी छन् । ईप्रका कोहलपुरले दिएको जनाकारी अनुसार बुधबार बिहान करिव १ बजेतिर साथीको जन्मदिनमा सहभागि भएर फर्कने क्रममा ती युवतीमाथि कम्दी–९ का कुले थारु र मणिराम कुमाईले सामुहिक बलात्कार गरेको प्रहरीले जनाएको छ । पीडित किशोरीको स्वास्थ्य परीक्षण तथा घटनास्थलको मुचुल्का गरि पिडकको खोजिको लागि प्रहरी परिचालन गरिएको ईप्रका कोहलपुरका डिएसपी सुरेशप्रसाद काफ्लेले जानकारी दिए । तस्बीर गुगलबाट
दाउराको चिरपटको प्रहारबाट महिलाको मृत्यु
९ भाद्र २०७३, बिहीबार १४:१६
