समाचार सारांश
Generated Using AI
- केही दिनदेखि देशका विभिन्न भागमा देखिएको तुवाँलो आजदेखि क्रमशः हट्दै जाने मौसमविद्ले बताएका छन्।
- उच्च चापीय प्रणाली कमजोर हुँदै जाँदा भोलिदेखि मौसममा थप सुधार हुने सम्भावना रहेको छ।
- हाल पश्चिमी वायु र न्यून चापीय क्षेत्रको आंशिक प्रभावका कारण केही स्थानमा हल्का वर्षा भएको छ।
यो सारांश AI द्वारा सिर्जना गरिएको हो।
नेपालगञ्ज : केही दिनदेखि देशका विभिन्न भागमा देखिएको तुवाँलो आजदेखि क्रमिक रूपमा हट्दै जाने मौसमविद्ले बताएका छन् ।
मौसमविद् सञ्जीव अधिकारीले आजभन्दा भोलिदेखि मौसममा थप सुधार हुने सम्भावना रहेको बताए ।
उनका अनुसार पछिल्ला दिनमा उच्च चापीय प्रणालीको प्रभावले तुवाँलो देखिएको हो । तर, यो प्रणाली क्रमशः कमजोर हुँदै जाँदा तुवाँलो पनि हट्दै जाने अनुमान गरिएको छ ।
हाल नेपालमा पश्चिमी वायु, उपल्लो वायुमण्डलमा रहेको उच्च चापीय प्रणाली तथा पूर्वी भू–भाग नजिक तल्लो वायुमण्डलमा रहेको न्यून चापीय क्षेत्रको आंशिक प्रभाव रहेको मौसम पूर्वानुमान महाशाखाले जनाएको छ ।
महाशाखाको अनुसार आज केही स्थानमा हल्का वर्षा भएको छ ।
