नेपालगञ्ज : नेकपा (एमाले) का उपाध्यक्षद्वय युवराज ज्ञवाली र अष्टलक्ष्मी शाक्यले पार्टीको ११औँ राष्ट्रिय महाधिवेशनबाट बिदा हुने भएका छन् । उनीहरुले कुनै पनि पदमा उम्मेदवारी नदिने घोषणा समेत गर्दै आएका छन् ।
आइतबार बसेको केन्द्रीय कमिटी बैठकमा धारणा राख्दै उनीहरूले आगामी नेतृत्व चयन प्रक्रियामा आफूहरू प्रतिस्पर्धामा नउत्रिने स्पष्ट पारेका हुन । पार्टी नेतृत्व नवीकरण, पुस्तान्तरण र सङ्गठनात्मक एकताको पक्षमा रहेर यस्तो निर्णय लिइएको उनीहरूको भनाइ छ ।
केन्द्रीय कमिटी बैठकमा नेताहरूले उनीहरूको निर्णयले पार्टीभित्र नेतृत्व हस्तान्तरणलाई सहज बनाउने र महाधिवेशनलाई सहमतिमुखी बनाउने अपेक्षा व्यक्त गरेका छन् ।
एमालेको ११औँ राष्ट्रिय महाधिवेशन काठमाडौँमा जारी छ । महाधिवेशनको बन्द सत्रबाट नयाँ नेतृत्व चयन प्रक्रिया अघि बढाइने छ । ११औँ महाधिवेशनको बन्द सत्रबाट विधान संशोधन पारित भएसँगै नयाँ संरचना अनुसार नेतृत्व चयन प्रक्रिया अघि बढ्ने एमालेले जनाएको छ ।
