नेपालगञ्ज : नेपाल अटो मोबाईल तथा मेकानिक संघको पहिलो भेला नेपालगञ्जमा सम्पन्न भएको छ ।
बाँके जिल्ला भरी छरिएर रहेको मेकानिकहरु आफ्नो पेशागत सुरक्षाको लागि आफुहरु एकजुट हुने उदेश्य लिएर भलाको आयोजना गरेको संघका अध्यक्ष महेन्द्र उचै ठकुरीले जानकारी दिए ।
संघको भेलाले नेपालगञ्मा अटो भिलेज स्थापनाको माग गरेको छ । नेपालगञ्ज नगरपालिका भित्र जनसुकै ठाउमा ग्यारेज सञ्चालन गर्दा शहरको सौन्दर्यकरणमा असर पर्ने, सडक दुर्घटनाको जोखिम पनि त्यतिकै हुने हुँदा अटो भिलेजको माग गरीएको अध्यक्ष ठकुरीले बताए ।
भेलामा संघमा आबद्ध भएका २१ जना व्यक्ति तथा ग्यारेजलाई आबद्धताको प्रमाणपत्र वितरण गरीएको थियो । बाँकेमा करिब २ सयको हाराहारीमा ग्यारेज तथा वर्कसफ रहेको र यीनमा करिब १ हजार मेकानिक हरु कार्यरत रहेका छन ।
