नेपालगञ्ज : दाङको लमही नगरपालिका- ५ रातो डाँडास्थित रोयल प्यालेस होटलमा पेस्तोल पड्किएको छ।
जिल्ला प्रहरी कार्यालय दाङका प्रवक्ता चक्रबहादुर शाहका अनुसार होटलको कोठामा कर्मचारीले सफा गर्ने क्रममा पेस्तोल एक्कासि पड्किएको हो।
कर्मचारीको हातमा चोट लागेको उनले बताए। उपचारपश्चात कर्मचारी डिस्चार्ज भइसकेको उनले बताए।
‘हतियार कसले, के प्रयोजनको लागि राखेको हो अनुसन्धान हुँदैछ,’ उनले भने, ‘हामीले कटुवा पेस्तोल बरामद गरेका छौं।’
घटना शनिबार बिहान ११:३० बजे भएको हो।
