काठमाडौ : नेकपा एमालेका अध्यक्ष एवम पूर्व प्रधानमन्त्री केपी शर्मा ओलीले बर्तमान सरकारलाई देश जिम्मा लगाएर आफुहरु विदेश नभाग्ने बताएका छन् । भक्तपुरमा आयोजित एक सार्वजनिका कार्यक्रमलाई सम्बोधन गर्दै एमाले अध्यक्ष ओलीले आफुहरु वर्तमान सरकारलाई देश जिम्मा लगाएर विदेश नाजाने स्पष्ट पारेका हुन ।
‘सरकार विभिन्न प्रकारका हल्ला गरिरहेको छ । अहिले सरकारले पासपोर्ट रोक्ने हल्ला सुन्दै छु । के ठानेको छ । यो हा हु को सरकारलाई देश जिम्मा लगाइदिएर हामी विदेश भाग्छौँ ? के सोचेका छौँ ? हामीले यो देश बनाउनुपर्नेछ । फेरि पनि हामी संवैधानिक लोकतान्त्रिक मूलधारमा ल्याउँछौँ । देशालाई फेरी पनि सुशासनमा ल्याउछौँ’ ओलीले भने ।
उनले आफुले गरेका हरेक विषयहरु जनताको विचमा ल्याउने हिम्मत वर्तमान सरकारले गर्नुपर्ने धारणा समेत राखेका थिए । ‘यो सरकारले मैले बोलेका अभिव्यक्ति सार्वजनिक गरोस् । अरूको पनि ल्याओस्, जनताको बीचमा ल्याओस्, प्रहरी र कर्मचारीलाई दिएको निर्देशन र कामहरू बाहिर ल्याओस्’– एमाले अध्यक्ष तथाच पूर्व प्रधानमन्त्री ओलीको भनाइ छ ।
