नेपालगञ्ज : राप्ती नदीको कटानबाट रोक्नको लागि जनताको तटबन्ध कार्यक्रम फिल्ड कार्यालय नं. ६ लमहीले बाँकेमा गरिरहेको कामको बारेमा अनुगमन गरिएको छ ।
जनताको तटबन्धले बाँकेको राप्तीसोनारी–७, खल्लाझगडीयामा निर्माणाधीन बाढीबिरुद्ध बचाउका लागि आपतकलिन कार्य अन्तर्गत भईहेको बेम्बो पायलिङ्ग र आरसिसि प्रकोपाईन कार्यको स्थलगत अवलोकन गरिएको हो ।
जनताको तटबन्ध आयोजना प्रमुख डा.नारायणप्रसाद सुवेदीको नेतृत्वमा प्रगन्ना कुलो सिचाइ प्रणाली मुल समन्वय समितिका सदस्य तिलक न्यौपाने तथा नेपाली कांग्रेस बाँके क्षेत्र न १ का क्षेत्रीय सभापति पोषण केसीलगायतका स्थानीय सरोकारवालाहरु सहितको टोलीले स्थलगत अवलोकन गरिएको हो ।
भारतले अन्तराष्ट्रिय मापदण्ड मिचेर सिमा क्षेत्रमा बाँध बनाएपछि राप्ती तटिय क्षेत्रका नेपाली बस्तिहरु डुवान र कटानको चपेटामा पर्दै आएका छन् । तटिय क्षेत्रका बस्ति जोगाउन जनताको तटबन्ध कार्यक्रम अन्तरगत हरेक वर्ष विभिन्न गतिविधि हुने गरेको छ ।
कार्यालय प्रमुख डा. सुवेदीले राप्तीसोनारी–७ खल्ला झगडियामा अहिले बेम्बो पायलिङ्ग र आरसिसि प्रकोपाईन राखिसकेको जानकारी गराउदै, बोरा भर्ने र राख्ने काम हुँदै आएको जानकारी दिए । यो कार्यले राप्ती नदीको कटानलाई रोक्ने अपेक्षा गरिएको छ ।
