राप्तीसोनारी (बाँँके) : बाँकेको राप्तीसोनारी गाउँपालिका–२ हरियरपुरमा धान रोप्दै गरेरका दुई रोपाहको चट्याङ्ग लागेर मृत्यु भएको छ ।
प्रहरीले दिएको जानकारी अनुसार चट्याङ्ग लागेर ३४ वर्षीया सम्झना बिक र सोही ठाउँ बस्ने ३७ वर्षीया बसन्ती भन्ने निमा उपाध्यायको मंगलबार साँझ मृत्यु भएको हो ।
उनीहरु स्थानीय ३० वर्षीया शलिना डिसीको खेतमा धान रोप्ने क्रममा चट्याङ लागेर गम्भीर घाइते भएका थिए । उनीहरूको नेपालगञ्ज मेडिकल कलेज शिक्षण अस्पताल कोहलपुरमा उपचारको क्रममा मृत्यु भएको हो ।
साथै चट्याङ लागेर घाइते भएकी शलिनाको सोही अस्पतालमा उपचार भइरहेको छ । यस सम्बन्धमा प्रहरीले आवश्यक अनुसन्धान गरिरहेको जनाएको छ ।
