नेपालगञ्ज : बाँकेको नेपालगञ्ज कारागारमा पुर्पक्षका लागि थुनामा रहेका एक वृद्ध थुनुवा (कैदी)को हृदयघातका कारण मृत्यु भएको छ ।
कारागार कार्यालय बाँकेका प्रमुख अर्जुन जंग शाहले नेपालगञ्ज उपमहानगरपालिका–८ का ६६ वर्षीय अब्दुलवारी जोलाहको हृदयघातका कारण मृत्यु भएको जानकारी दिए ।
उनका अनुसार आज बिहान करिब ४ बजेतिर मृतक जोलाहको एक्कासि छाती दुखेपछि उपचारका लागि तत्कालै नजिकै रहेको भेरी अस्पतालमा उपचारको लागि पु¥याएलगत्तै चिकित्सकले मृत घोषणा गरेका थिए ।
मृतक जोलाह तीन महिनाअघि जबरर्जस्ती करणी मुद्दामा जिल्ला अदालतद्वारा पूर्पक्षका लागि कारागारमा कैदीको रुपमा रहदै आएको कारागार कार्यालय बाँकेले जनाएको छ ।
गत पुस १७ गते मृतक जोलाह पूर्पक्षका लागि कारागार चलान भएका थिए । ३ सय ५० क्षमताको सो कारागारमा ८ सय ८८ जना कैदी बन्दी र थुनुवा छन ।
