नेपालगञ्ज (डेस्क) : बुधवार सरस्वती पुजासँगै ११ औं राष्ट्रिय पुस्तक दिवस मनाइएको छ । पुस्तक दिवसको अवसरमा नेपाल पुस्तक तथा स्टेशनरी व्यवसायी महासंघ जिल्ला शाखा बाँकेले जिल्लाका विभिन्न विद्यालयमा शैक्षिक सामग्री वितरण गरेको छ ।
दिवसका अवसरमा बाल मन्दिर प्रावि रामलिला मैदान, युद्ध संस्कृत विद्यालय नेपालगञ्ज, नेराप्रावि घरबारीटोल, गौसिया मावि नेपालगञ्ज, नेराप्रावि बनियागाउँ, जानकी गाउँपालिकालाई स्टेशनरी तथा खेलकुद सामग्री हस्तान्तरण गरिएको हो ।
![](https://sadarline.com/wp-content/uploads/2023/06/355735841_163168713323414_6806641009584846467_n.jpg)
![](https://sadarline.com/wp-content/uploads/2023/10/Ntc-add-1-.jpg)
जानकी गाउँपालिकामा महासंघ बाँके अध्यक्ष सागर ज्ञवालीको अध्यक्षतामा भएको शैक्षिक तथा खेलकुद सामग्री वितरण कार्यक्रममा प्रमुख अतिथि पालिका वडाध्यक्ष टिकानाथ यादव रहेका थिए ।
कार्यक्रममा महासंघका लुम्बिनी प्रदेश प्रथम उपाध्यक्ष शालिकराम सुवेदी, महासंघ बाँकेका पूर्व अध्यक्ष हेमराज पौडेल, पूर्व क्षेत्रीय उपाध्यक्ष रामप्रसाद गौतम, विद्यालय व्यवस्थापन समिति अध्यक्ष विजयकुमार बर्मा लगायतको उपस्थिति रहेको थियो ।