नेपालगञ्ज : बाँकेमा चिसो अत्यधिक रुपले बढेको छ । चिसो बढेपछि जनजीवन अत्यन्त कष्टकर बनेको छ । चिसोलाई मध्यनजर गर्दै नेपालगञ्ज उपमहानगरपालिकाले विभिन्न वडामा केहीदिनदेखि दाउरा बाँड्न थालेको छ । तर, सामान्य नागरिकले उपमहानगरपालिकाको दाउरा पाउन सकेका छैनन् ।
सर्बसाधारणलाई बाँड्ने भनिएको दाउरा उपमहानगरपालिका र वडाका जनप्रतिनिधि तथा कर्मचारीले उपयोग गरेको गुनासो आएको छ । सर्बसाधारणलाई बाँड्ने भनेर खरिद गरेको दाउरा पहुँचवाला कहाँ पुग्ने गरेको प्रत्यक्षदर्शीले बताएका छन् । ’जनतालाई बाँड्ने दाउरा नगरपालिकाका र वडाका जनप्रतिनिधि तथा कर्मचारीका घरमा पुर्याइएको छ,’ प्रत्यक्षदर्शीले भने ।
चिसोमा दाउरा नपाउँदा सामान्य नागरिकको अवस्था दयनीय बनेको छ । दैनिक काम गरेर खाने सर्बसाधारणको अवस्था कष्टकर देखिएको छ ।
