सुर्खेत : नेकपा एमाले कर्णालीको प्रदेश अधिवेशनले निर्वाचित गर्ने पदाधिकारी र सदस्यको निर्वाचन क्लष्टर सार्वजनिक गरेको छ ।
२४ प्रदेश निर्वाचन क्लष्टरमा अध्यक्ष १, उपाध्यक्ष १, सचिव १, उपसचिव २ जना गरेर ५ पदाधिकारी र १२५ जना सदस्यको क्लष्टर तय गरेको छ । कुल १३५ सदस्यीय प्रदेश कमिटिमा ५ सदस्यको सिट जगेडा राखिएको छ ।
![](https://sadarline.com/wp-content/uploads/2023/06/355735841_163168713323414_6806641009584846467_n.jpg)
![](https://sadarline.com/wp-content/uploads/2023/10/Ntc-add-1-.jpg)
निर्वाचन समितिले सार्वजनिक गरेको क्लष्टरमा २ पुरुष १ महिला गरेर ७२, दलित ९ पुरुष ६ महिला गरेर १५ जना तोकिएको छ । यस्तै १५ दलितमा ४० वर्षमुनिका ३ पुरुष १ महिला तोकिएको छ ।
यसैगरी जनजातीतर्फ ५ पुरुष ३ महिला गरेर ८ जना जसमा ४० वर्षमुनीका १ पुरुष १ महिला तोकिएको छ । खुल्लामा १९ पुरुष १० महिला गरी २९ जनामा ४० वर्ष मुनिका ४ पुरनष २ महिला ताकिएको छ ।
एमाले कर्णालीले अल्पसंख्यकतर्फ १ जना सदस्य गरेर १३० जनाको निर्वाचन क्लष्टर सार्वजनिक गरेको छ । एमाले कर्णालीमा अध्यक्षमा पोलिटब्यूरो सदस्य गुलावजंग शाह र मीनबहादुर शाही अध्यक्षको दावेदार रहेका छन् ।