नेपालगञ्ज : नेपाल प्रेस युनियनका उपमहासचिव एवम् नेपाल पत्रकार महासंघ बाँकेका पूर्वअध्यक्ष प्रेम केसीलाई मातृ शोक परेको छ ।
नेपालगञ्ज उपमहानगरपालिका–६ फुल्टेक्रा निवासी केसीकी आमा सरस्वती केसीको ७० वर्षको उमेरमा असामयिक निधन भएको हो ।
परिवारका अनुसार केही समयदेखि मधुमेह रोगको उपचार गराइरहेकी उनको नेपालगञ्ज मेडिकल कलेज, शिक्षण अस्पताल नेपालगञ्जमा शुक्रवार विहान निधन भएको हो ।
पछिल्लो समय सरस्वती आफ्नी जेठी छोरीको निधनपछि विक्षिप्त अवस्थामा थिइन् । सरस्वतीका तीन भाइ छोरा र दुई वहिनी छोरी मध्ये जेठो छोरा र जेठी छोरीको निधन भइसकेको छ ।
प्रेम केसी माइला छोरा हुन् । कान्छा छोरा रोजगारीको सिलसिलामा मलेसियामा छन् । सरस्वतीको शुक्रवारनै राप्ती नदीस्थित सिधनिया घाटमा अन्त्येष्टि गरिने बताइएको छ ।
यसैबीच सरस्वती केसीको निधनप्रति प्रेस युनियन बाँकेले शोक वक्तव्य जारी गर्दै दुःख व्यक्त गरेको छ ।
