नेपालगञ्ज : राष्ट्रिय अपाङ्ग महासंघ नेपालको नवौँ महाधिवेशन नेपालगञ्जमा शुरु भएको छ । नेपालगञ्जको बालेगाउँमा मंगलवारदेखि शुरु भएको महासंघको सो राष्ट्रिय महाधिवेशनको मुख्य न्यायाधीश डा. रत्न बागचन्दले उद्घाटन गरे ।
सो अवसरमा बोल्दै मुख्य न्यायाधीश डा. बागचन्दले नेपालको संविधानले अपाङ्गता भएका र नभएका बीच कुनै पनि भेदभाव नगरेको जनाउँदै अपाङ्गता भएका नागरिकलाई पनि अवसर र अधिकार दिनुपर्ने बताए । उनले अपाङ्गता भएकाहरुलाई सरकारले झन् बढी महत्व दिनुपर्नेमा जोड दिए ।
![](https://sadarline.com/wp-content/uploads/2023/06/355735841_163168713323414_6806641009584846467_n.jpg)
![](https://sadarline.com/wp-content/uploads/2023/10/Ntc-add-1-.jpg)
राष्ट्रिय अपाङ्ग महासंघ नेपालका अध्यक्ष मित्रलाल शर्माको अध्यक्षतामा भएको उदघाटन कार्यक्रममा महासंघका निवर्तमान अध्यक्ष सुदर्शन सुवेदी, पूर्व अध्यक्ष डा. वीरेन्द्रराज पोखरेल र दीपक कोइराला, राष्ट्रिय लोकतान्त्ररिक अपाङ्ग संघका अध्यक्ष भोजराज श्रेष्ठ, अपाङ्गता सङ्गठन नेपालका अध्यक्ष टीकाराम पराजुली लगायतले महाधिवेशन सफलताको शुभकामना दिए ।
दुई दिनसम्म चल्ने सो महाधिवेशनमा देशभरिका हजारभन्दा बढी प्रतिनिधिहरुको सहभागिता छ । महाधिवेशनले राष्ट्रिय अपाङ्ग महासंघको नयाँ नेतृत्वको निर्वाचन गर्ने कार्यक्रम छ ।