बाघ नियन्त्रणका लागि भुवर भवानीमा विशेष पुजा

सदरलाइन संवाददाता २६ पुष २०७८, सोमबार १३:४९
 

राप्तीसोनारी (बाँके) : दिनदिनै बाघले मान्छे मार्न थालेपछि भुवर भवानी मन्दिरमा विशेष खालको पुजा पाठ गरिएको छ । सोमबार राप्ती सोनारी ३ बनघुसरीमा रहेको यस क्षेत्रको सबैभन्दा ठुलो शक्ति पिठ भुवर भवानी मन्दिरमा विशेष पुजापाठ गरिएको हो ।

सदियौंदेखि मन्दिरमा पुजापाठ गर्दै आएका थारु गुरुवाहरुले बाघ नियन्त्रणका लागि विशेष खालको पुजा गरेको अगुुुुुवा चौधरीया बिष्णुप्रसाद थारुले जानकारी दिए । सोमबार मात्रै विशेष खालको पुजापाठ २ पटक गरिएको जानकारी दिँदै चौधरीया थारुले अब बाघ नियन्त्रण हुने आश्वासनसमेत दिए ।

पुर्खाहरुको भनाईअनुसार आज भन्दा १ सय बर्ष अगाडी मान्छेलाई बाघले खाने गरेको र भुवर भवानी मन्दिर स्थापना गरि पुजापाठ गर्न थालेपछि रोेकिएको हो । विशेष खालको पुजा पाठ गर्ने क्रममा भुलचुक भएको निश्कर्ष निकालिएको छ ।

अगुवा चौधरीया थारुले १०–१० बर्षमा गरिने ठुलो पुजामा भुलचुक भएको र त्रिसुलमा समस्या देखिएको निश्कर्ष गुरुवाहरुले निकालेको उल्लेख गरे । राप्ती सोनारीका करिव २० भन्दा बढी गाउँका अगुवाहरुको उपस्थितिमा विशेष खालको पुजा गरिएको हो ।

२०१४ सालमा पक्की मन्दिर बनि ठुलो शक्ति पिठको रुपमा मानिएको भुवर भवानी मन्दिरमा हरेक बर्ष ३ पटक पुजा पाठ गर्ने गरिएको छ । हरेक बर्ष माघे संक्रान्तिका अवसरमा ठुुलो मेलासमेत लाग्ने गरेको छ ।

Leave a Reply

Your email address will not be published. Required fields are marked *

Next Post

राष्ट्रिय योग दिवसलाई लक्षित गर्दै बाँकेमा अन्तरक्रिया

२६ पुष २०७८, सोमबार १३:४९
नेपालगञ्ज : माघ १ गते हुने राट्रिय योग दिवसलाई लक्षित गर्दै सोमवार बाँकेमा अन्तरक्रिया कार्यक्रम गरिएको छ । नेपालगञ्ज उपमहानगरपालिकाको आयुर्वेद शाखा र बाँके आयुर्वेद स्वस्थ्य केन्द्र नेपालगञ्जको आयोजनामा अन्तरक्रिया गरिएको हो । नेपालगञ्ज उपमहानगरपालिकाका प्रमुख प्रशासकिय अधिकृत गुरुदत्त सुवेदिको अध्यक्ष्तामा भएको कार्यक्रममा बाँके आयुर्वेद स्वास्थ्य केन्द्रका डा. गिता रेग्मीले […]

सम्बन्धित