नेपालगञ्ज : नेपाली कांगे्रससहित पाँच दलिय गठबन्धनबाट बाँके, क्षेत्र नम्बर २ मा प्रतिनिधी सभा सदस्य पदका उम्मेदवार सुदिप नरसिंह राणा आफूले गर्ने हरेक विकास निर्माणका काम सबै वर्गका जनताका लागि न्यायसम्मत हुने बताएका छन् ।
जनप्रतिनिधी सधैं जनमुखी हुनपर्नेमा जोड दिँदै उनले जनप्रतिनिधीले गर्ने काम न्यायसम्मत हुनुपर्ने बताए । नेपालगञ्जमा सोमबार जी नेपाल एचडी टेलिभिजनले क्षेत्र नम्बर २ उम्मेदवारसँग गरेको कार्यक्रममा राणाले जनमुखी विचारलाई जोड दिएका हुन् ।
![](https://sadarline.com/wp-content/uploads/2023/06/355735841_163168713323414_6806641009584846467_n.jpg)
![](https://sadarline.com/wp-content/uploads/2023/10/Ntc-add-1-.jpg)
‘निर्वाचनमा कसले भोट देलान्, कसले भोट नदेलान्, तर एउटा जनप्रतिनिधीको हैसियतले ठाउँमा पुगिसकेपछि सबैलाई न्याय सम्मत हुने गरी कुनैपनि काम, कुनैपनि त्रियाकलाप, कुनैपनि सेवा जनताको भावना र मर्म अनुसार गर्नुपर्छ भन्ने मेरो सोच छ, राणले भने ।
एकैपटक विकास र परिवर्तन नहुने भन्दै उनले विकास र परिवर्तनका कुराहरु समयसँगै हुने बताए । उनले अगाडी भने, ‘यो समय क्रमसँगै हुने कुरा हो, तर हामीले कस्तो विकास चाहेका छौं, भनेर योजनाबद्ध भएर जानु पर्छ ।