सुर्खेत : सवारी ज्यान मुद्दामा फरार रहेका एक जनालाई सुर्खेत प्रहरीले पक्राउ गरेको छ । पक्राउ पर्नेमा, जिल्ला सुर्खेत वीरेन्द्रनगर नगरपालिका वडा नं. ४ बस्ने बर्ष ३२ को नर बहादुर दमाई रहेका छन् ।
उनलाई कर्णाली प्रदेश प्रहरी कार्यालय ब्युरो र जिल्ला प्रहरी कार्यालय सुर्खेतबाट खटिएको प्रहरी टोलीले पक्राउ गरेको हो ।
प्रहरीका अनुसार, दमाईलाई बिशेष सूचनाको आधारमा उक्त खटिएको प्रहरी टोलीले वीरेन्द्रनगर नगर पालिका वडा नं. ४ स्थितबाट पक्राउ गरेको हो ।
उनीमाथि सवारी ज्यान मुद्धामा सुर्खेत जिल्ला अदालतको फैसला आदेशले ३२ हजार जरिवाना र ३ बर्ष कैद सजाय तोकेको थियो । तर उनी हालसम्म फरार रहेको प्रहरीले जानकारी दिएको छ ।
पक्राउ गरी उनलाई सुर्खेत जिल्ला अदालतमा उपस्थित गराईएको प्रहरीले जनाएको छ ।
