नेपालगञ्ज : आगामी मंसिर ४ लक्षित चुनाव प्रचार प्रसारलाई तीव्रता दिने उद्देश्यले जनता समाजवादी पार्टी बाँकेले निर्वाचन क्षेत्रहरूमा चुनाव प्रचार प्रसार समितिको सम्पर्क कार्यालयहरू खोलेको छ ।
शुक्रबार बाँके क्षेत्र नं २ अन्तर्गत नेपालगञ्ज उपमहानगरपालिकाका वडान. १२ को बेलासपुर, वडान ४ को घोसीटोल, वडान. ७ को पिपल चौतारा, वडा न.७ कै एमपी स्कुल र वडा न. ५ को भट्टाटोलमा प्रचार प्रसार सम्पर्क कार्यालयहरू खोलिएको जसपा बाँकेले जनाएको छ ।
कार्यालय उद्घाटन कार्यक्रममा बाँके क्षेत्र नं २ जनता समाजवादी पार्टीका प्रतिनिधिसभा सदस्य उम्मेदवार मोहम्मद इश्तियाक राई, प्रदेश सभा सदस्य पदका उम्मेदवार आदेश अग्रवाल, पार्टीका नेताहरु अतहर हुसेन फारुकी, बुद्विसागर सुवेदी, अरुण सिंह लगायतको उपस्थितिरहेको थियो ।
