सुर्खेत : सुर्खेतको वीरेन्द्रनगर नगरपालिकाबाट लागूऔषधसहित एक जना पक्राउ परेका छन् । वीरेन्द्रनगर नगरपालिका वडा नं. १२ बस्ने २१ वर्षीय ललित खत्री पक्राउ परेका हुन् ।
शंकास्पद अवस्थामा फेलापारी सोधपुछ गरी खानतलाशी गर्दा निजको साथबाट १६० मि.ग्रा. र प्लाष्टिक बाहेक शुद्ध ८० मि.ग्रा. लागूऔषध ब्राउन सुगर जस्तो देखिने धुलो पदार्थ फेलापारी बरामद गरिएको र थप अनुसन्धान भइरहेको प्रहरीले जनाएको छ ।
