नेपालगञ्ज : मधेश प्रदेशका निवर्तमान प्रदेश प्रमुख तथा नागरिक समाजका अगुवा डा. राजेश अहिराजले सामाजिक उत्तरदायित्व अन्र्तगत खाद्यान्न तथा शैक्षिक सामाग्री सहयोग गरेका छन् ।
पश्चिम नेपालको भ्रमणमा रहेका डा.अहिराजले भेरी अस्पताल परिसरमा संचालित अञ्जनी माता रसोई घर, निल सागर बृद्धाश्रम र डुुडुवा गाउँपालिका–२ जाफरपुर्वास्थित मदरसामा खाद्यान्न र शैक्षिक सामाग्री वितरण गरेका हुन ।
कार्यक्रममा ग्रिन नेपालगञ्ज क्लिन नेपालका अभियन्ता डा विनोद कर्ण, भेरी अस्पतालका डा आर के झा, बर्दियाका नागरिक अभियन्ता कमलदेव पौडेल, अञ्जनी माता रसोइका संचालक जितेन्द्र ठाकुर, विजय गप्ता, सूचना र मानव अधिकार अनुसन्धान केन्द्रका अध्यक्ष विश्वजित तिवारी, ज्येष्ठ नागरिक सञ्जालका कृष्णमुरारी प्रसाद भट्ट लगायतको सहभागिता रहेको थियो । उनले अञ्जनी माता रसोई घरमा सामुहिक भोजन गरेका थिए ।
त्यसक्रममा रसोई घरको परिकल्पना, भोजनको व्यवस्थापन लगायतका बारेमा जानकारी गराइएको थियो । यसैगरि नागरिक समाजका अगुवाहरुसंग छलफल गरिएको थियो । छलफलका क्रममा राज्य पुर्नसंरचनापछिको संयन्त्रको काम कारवाही प्रक्रिया, सेवाग्राहीका समस्या नागरिक अभियान लगायतका विषयमा छलफल गरिएको थियो ।
निवर्तमान प्रदेश प्रमुख अहिराजले बाँकेको बाढी प्रभावित तथा सिमा क्षेत्रको समेत अवलोकन गरि स्थानीयसंग भेटघाट गर्नुभएको छ । त्यसक्रममा स्थानीयहरुले बाढीको समस्या तथा सिमा क्षेत्रमा उत्पन्न समस्याको बारेमा जानकारी गराउदै पहलका लागि आग्रह समेत गरेका थिए ।
