बैतडी : बैतडीमा जीप दुर्घटना हुदाँ एकै गाउँका ६ जनाको मृत्यु भएको छ । मृत्यु हुनेमा बझाङको केदारस्यू गाउँपालिका–५ बाँझका ६० वर्षीय मने बोहरा, ४२ वर्षीय नरे बोहरा, ३५ वर्षीय गोरख बोहरा, ४५ वर्षीय मान बहादुर धामी, ४५ वर्षीय बिर्ख धामी र ४० वर्षीय बिरे धामी रहेका छन् ।
जीपमा सवार ५जना यात्रुहरु हाम फालेर बाच्न सफल भएका छन् । बैतडीको झुलाघाटबाट बझाङको बाग्थला जादैँ गरेको से १ ज ७६४ नम्बरको जिप पाटन नगरपालिका ८ झौलेकमा मंगलवार राती ११ बजे दुर्घटना भएको हो ।
जयपृथ्बी राजमार्ग अन्तरगत पर्ने झौलेक मोडस्थित उकालोमा ब्रेक फेल भएर जिप दुर्घटना भएको अनुमान गरिएको छ । जीप चालक सम्पर्कबिहिन छन् ।
