नेपालगञ्ज : गणतन्त्र दिवसका अवसरमा नेपालगञ्जस्थित बागेश्वरी मन्दिरको सरसफाई गरिएको छ । गणतन्त्र दिवसका अवसरमा नेपालगञ्ज उपमहानगरपालिका कार्यालयसँगको सहकार्यमा द होप नामक संस्थाको आयोजनामा आज बिहान बागेश्वरी मन्दिर क्षेत्र सरसफाई गरिएको हो ।
उक्त कार्यक्रममा नगर प्रमुख प्रशान्त विष्ट, उपप्रमुख कमरुद्दीन राईसहित विभिन्न वडाका वडाध्यक्ष एवम् सहभागीहरुले झाडु लिएर बागेश्वरी मन्दिर प्राङ्गणको सरसफाई गरेका थिए ।
सरसफाई कार्यक्रममा आयोजक संस्था द होपका सदस्यहरु, विभिन्न क्षेत्रका अगुवा, समाजसेवी, युवा, बिद्यार्थी लगायतको सहभागिता रहेको थियो ।
