डोटी : डोटीको सायल गाउँपालिका वडा नम्बर १ तेलपारामा जिप दुर्घटना हुँदा ८ जना घाइते भएका छन् । सुदूरपश्चिम प्रदेश ०१–००१–१३३४ नम्बरको जिप दुर्घटना हुँदा सो जीपमा सवार ८ जना घाइते भएका हुन् ।
जिल्ला प्रहरी कार्यालय डोटीका प्रवक्ता तथा प्रहरी नायव उपरीक्षक भोलाकुमार भट्टका अनुसार दुर्घटना परि घाइते भएका मध्ये २ जनाको अवस्था गम्भीर रहेको छ । गम्भीर घाइते दुवै जनालाई उपचारको लागि शैलेश्वरी अस्पताल दिपायल ल्याइएको छ ।
अन्य घाइतेको स्थानीय स्वास्थ्य चौकीमा उपचार भइरहेको छ । सायल बाट १४ जना यात्रु बोकेर दिपायल आउँदै गरेको जिप (आज) शुक्रवार बिहान साढे १० बजे दुर्घटनामा परेको हो । चालकलाई नियन्त्रण लिएको र घटना बारे थप अनुसन्धान भइरहेको जिल्ला प्रहरी कार्यालय डोटीले जनाएको छ ।
