स्थानीय तह निर्वाचनका लागि बाँकेमा कर्मचारी र सुरक्षाकर्मी गरी ६ हजार २ सय परिचालन

सदरलाइन संवाददाता २८ बैशाख २०७९, बुधबार १२:५१
 

नेपालगञ्ज :  बाँकेमा स्थानीय तहको निर्वाचनको लागि निजामती कर्मचारी, संस्थानका कर्मचारी र सुरक्षाकर्मी गरी करिव ६ हजार २ सय परिचालन भएका छन । बाँकेका प्रमुख जिल्ला अधिकारी सूर्यबहादुर खत्रीले दिएको जानकारी अनुसार स्थनीय निर्वाचनका लागि जिल्लाका ८ वटै पालिकामा निजामती र संस्थानका कर्मचारी गरी २ हजार २ सय जना परिचालन भएका छन ।

यसैगरी स्थानीय तह निर्वाचनका लागि ४ हजार बढी नेपाली सेना, सशस्त्र प्रहरी र नेपाल प्रहरीका सुरक्षाकर्मी परिचालन गरिएको प्रमुख जिल्ला अधिकारी खत्रीले बताए । बाँकेमा १ सय ३६ मतदान केन्द्र र ३ सय ७९ मतदान स्थल रहेका छन ।

उनले बाँकेका १ सय ३६ मतदान केन्द्र मध्ये १ सय ६ मतदान केन्द्र अत्यन्तै संबेदनशिल भएको र ३० मतदान केन्द्र संबेदनशिल रहेको सुरक्षा विश्लेषण गरी त्यसै अनुरुप सुरक्षा प्रबन्ध मिलाईएको बताए । स्थानीय तह निर्वाचनको सुरक्षाको लागि नेपाली सेना, सशस्त्र प्रहरी र नेपाल प्रहरीको छुट्टछुट्टै सुरक्षा जिम्मेवारी रहेको प्रमुख जिल्ला अधिकारी खत्रीले बताए ।

उनले भने–‘ बाँके भारतसंग खुला सीमा जोडिएको जिल्ला भएकोले पनि यहाँको सुरक्षा संवेदनशिलतालाई ध्यानमा राखेर मतदान केन्द्रलाई अतिसंवेदनशिल र संबेदनशिलको रुपमा बर्गिकरण गरी सुरक्षा प्रबन्ध मिलाएका छौ ।’ भारतसंग सीमा जोडिएका पालिकाको वडामा रहेका मतदान केन्द्रहरु अत्यन्तै संवेदनशिल रहेको सुरक्षा विश्लेषण रहेको छ ।

उनले मतदान केन्द्रको सुरक्षा तीन प्रकारका सुरक्षा निकायले आपसी समन्वयमा गर्ने र शान्तिपूर्वक मतदान गराउन मतदान केन्द्रमा खटिएका मतदान अधिकृत सहायक मतदान अधिकृत, सहायक कर्मचार, स्वयम सेवकको भुमिका रहने गरी व्यवस्था मिलाइएको बताए । उनले मतदानमा खटिने मतदान अधिकृत सहायक मतदान अधिकृत र कर्मचारीलाई आवश्यक तालिम दिएर पठाईएको बताए ।

उनले निर्वाचनलाई शान्तिपूर्वक सम्पन्न गराउनको लागि नेपाल–भारत सीमा ७२ घण्टाको लागि शील गर्ने दुई पक्षिय सहमति भई सकेको र २०७९ बैशाख २७ गते राती १२ बजेदेखि ३० गते राती १२ बजेसम्म सीमा क्षेत्रबाट आवगमन पूर्ण रुपले बन्द हुने जानकारी दिदै उनले भने–‘हामी कहाँ स्थानीय तहको निर्वाचन हुने कुरा काउन्टर पार्टसलाई जानकारी गराउदै ७२ घण्टा सीमा शील गर्ने सहमति गरेका छौ ।’

Leave a Reply

Your email address will not be published.

Next Post

आवश्यक सामग्रीसहित मतदान अधिकृत, कर्मचारी र सुरक्षाकर्मी लागे मतदानकेन्द्र तर्फ

२८ बैशाख २०७९, बुधबार १२:५१
नेपालगञ्ज :  बैशाख ३० गते सम्पन्न हुने स्थानीय तह निर्वाचनको लागि बाँकेका विभिन्न पालिकामा निर्वाचन गराउन खटिएका मतदान आधिकृत, सहायक मतदान अधिकृत, सुरक्षाकर्मीहरु आवश्यक निर्वाचन सामग्रीहरु मुख्य निर्वाचन कार्यालयबाट बुझेर आफुलाई खटाईएको मतदान केन्द्रतर्फ लागेका छन् । बाँकेका ८ वटै स्थानीय तहका १ सय ३६ मतदान केन्द्र र ३ सय […]