नेपालगञ्ज : दाङको लमही नगरपालिका–३ मझगाउँस्थित प्रतिक्षालयबाट एक थान कटुवा पेस्तोलसहित एक जना पक्राउ परेका छन् । भारत घर बताउने १९ वर्षीय सोमु बिकलाई बिहीबार राति प्रहरीले पक्राउ गरेको हो ।
प्रहरीका अनुसार, उनले कटुवा पेस्तोल कम्मरमा लुकाई राखेको भन्ने खबर प्राप्त हुनासाथ वडा प्रहरी कार्यालय लमहीबाट खटिएको प्रहरीले उक्त पस्तोलसहित पक्राउ गरेको हो ।
यस सम्बन्धमा प्रहरीले थप अनुसन्धान गरिरहेको छ ।
