नेपालगन्ज : नेपालगन्ज उप–महानगरपालिका वडा नं १५ मा नेपाल कम्युनिष्ट पार्टी एमालेको सम्पर्क कार्यालय उद्घाटन गरिएको छ । नेपालगन्ज उप–महानगरपालिका वडा नं १५ स्थित शुक्रवार नेकपा एमालेको सम्पर्क कार्यालय उद्घाटन गरिएको हो ।
सम्पर्क कार्यालय उद्घाटन गर्दै नेकपा एमाले केन्द्रीय सदस्य तथा नेपालगन्ज मेयरका उम्मेद्वार पशुपति दयाल मिश्रले रिबन काटेर नेपालगन्ज १५ को सम्पर्क कार्यालय उद्घाटन गरेका हुन् । नेकपा एमालेले वडा कमिटीका अध्यक्ष रमेश बर्माको अध्यक्षतामा वडा नं. १५ को सम्पर्क कार्यालय उद्घाटन संगै यहाँका जेष्ठ नागरिकहरुलाई सम्मान कार्यक्रम समेत गरेको छ । कम्युनिस्ट आन्दोलनमा लागेका जेष्ठ नागरिकलाई नेकपा एमालेले सम्मान गरिएको हो ।
सो कार्यक्रममा बोल्दै नेकपा एमाले केन्द्रीय सदस्य तथा नेकपा एमाले नेपालगन्ज मेयर पदका उम्मेद्वार पशुपति दयाल मिश्रले नेकपा एमालेको मजबुती देखेर अरु दलका पार्टी गठबन्धन तर्फ लागेको बताए । उनले गाँउ, वडा ,नगर ,जिल्ला स्थानीयवासीको चाहाना र आवश्यकताको आधारमा विकास गर्ने बताए ।
पार्टी स्थापनाको अवसरमा नेकपा एमालेले बाँकेको ८१ वडाका जेष्ठ नागरिकलाई सम्मान गरेको प्रचार संयोजक सतिश निरौलाले जानकारी दिए । ७३ वर्ष अगाडि २००६ साल वैशाख ९ गते कम्युनिस्ट पार्टीको स्थापना भएको थियो ।
