नेपालगञ्ज : ब्राउन सुगरसहित बाँकेमा एकजना पक्राउ परेका छन् । सशस्त्र प्रहरीले नेपालगञ्जको चौलिका चेकपोस्टबाट लागूऔषध ब्राउन सुगरसहित पक्राउ गरेको हो ।
सशस्त्र प्रहरी नम्बर ३० गण बागेश्वरी बाँकेबाट नेपालगञ्ज १६ स्थित चौलिका चेक पोस्टमा सशस्त्र प्रहरी नायब निरीक्षक खड्कबहादुर थापाको कमान्डमा खटिएको टोलीले ४ ग्राम ब्राउन सुगरसहित नेपालगञ्ज ९ बस्ने २६ बर्षीय रमेश नेपाली सार्कीलाई आइतबार साँँझ पक्राउ गरेको सशस्त्र प्रहरी उपरीक्षक जनकराज बस्नेतले जानकारी दिएका छन् ।
भारतको रुपइडिहाबाट नेपालगञ्जतर्फ अटो रिक्सामा आउँदै गरेका रमेशलाई शंका लागि चेकजाँचका क्रममा मुखभित्र लुकाएर ल्याइरहेको अवस्थामा ४ ग्राम ब्राउन सुगरसहित पक्राउ गरेको सशस्त्र प्रहरी उपरीक्षक बस्नेतले बताए ।
पक्राउ परेका रमेशलाई आबश्यक अनुसन्धान र कारबाही प्रक्रियाका लागि जिल्ला प्रहरी बाँकेमा बुझाइएको बस्नेतले जानकारी दिएका छन् ।
