नेपालगञ्ज : लागूऔषधसहित बाँकेमा एक जना युवक पक्राउ परेका छन् ।
जमुनाहा प्रहरी इन्चार्ज प्रहरी नायब निरीक्षक मीन बहादुर बिष्टको कमान्डमा खटिएको टोलीले भारतबाट नेपालगन्ज आउँदै गरेका तुलसीपुर १८ का २२ बर्षीय बिकास बिकलाई शनिवार बिहान ११ बजे ८ सय क्याप्सुल लागूऔषध ट्रमाडोलसहित पक्राउ गरिएको जिल्ला प्रहरी कार्यालय बाँकेले जनाएको छ ।
भारतबाट नेपालगञ्ज सीमा नाकाबाट शंकास्पद रुपले नेपालगञ्ज आउँदै गरेका बिकलाई जाँचका क्रममा बेल्टभित्र लुकाएर ल्याएको अवस्थामा ८० फाइल (८ सय क्याप्सुल) लागूऔषध ट्रमाडोल बरामद गरेको जिल्ला प्रहरी बाँकेले जानकारी दिएको छ ।
लागूऔषधसहित नियन्त्रणमा रहेका बिकमाथि थप अनुसन्धान भइरहेको जिल्ला प्रहरी बाँकेले जनाएको छ ।
