नेपालगञ्ज : नेकपा माओवादी केन्द्रका नेता दामोदर आचार्यको निधन भएको छ । ५९ बर्षीय आचार्यको उपचारका क्रममा शनिवार विहान भेरी अस्पतालमा निधन भएको हो ।
नेकपा माओवादी केन्द्र लुम्बिनी प्रदेश कमिटी सदस्य आचार्य नेपालगञ्ज उद्योग बाणिज्य संघका पूर्व अध्यक्ष हुन् । नेपालगञ्जका प्रतिष्ठित व्यवसायी उनी नेपाल उद्योग बाणिज्य महासंघका केन्द्रिय सदस्य पनि भएका थिए । नेपालगञ्जमा लोकप्रिय छवि बनाएका आचार्य २०७४ को स्थानीय निर्वाचनमा नेपालगञ्ज उपमहानगरपालिकामा मेयरको उम्मेदवार पनि बनेका थिए ।
क्यान्सरसंग जुध्दै आएका आचार्य लामो समय भारतको दिल्लीमा उपचार गराएर नेपाल फर्किएका थिए । स्वास्थ्यमा सुधार भएपछि नेपालगञ्जस्थित घरमै स्वास्थ्य लाभ गरिरहेका आचार्य फेरि विरामी परेका थिए । उनको जन्म प्युठानमा भएको थियो ।
