नेपालगञ्ज : नेपाली काँग्रेस बाँकेको बिहीवार हुने जिल्ला अधिवेशनको सम्पूर्ण तयारी पूरा भएको छ । जिल्ला समन्वय समितिको हलमा विहान ९ बजेदेखि मतदान सुरु गर्ने गरी तयारी थालिएको निर्वाचन समितिले जनाएको छ ।
सभापतिमा नारायणप्रसाद गौडेल, सुरेन्द्र बहादुर हमाल र बादशाह कुर्मीबीच प्रतिस्पर्धा हुने छ । गौडेल संस्थापन इतर तथा हमाल र कुर्मी संस्थापन समूहका नेता हुनुहुन्छ ।
![](https://sadarline.com/wp-content/uploads/2023/06/355735841_163168713323414_6806641009584846467_n.jpg)
![](https://sadarline.com/wp-content/uploads/2023/10/Ntc-add-1-.jpg)
यस्तै दुई जना उपसभापतिका लागि गोपाल प्रसाद अधिकारी, राजकुमार मौर्य, कृष्णबहादुर कार्की र सुदिपनरसिंह राणाबीच प्रतिस्पर्धा हुँदैछ । दुई जना सचिवमा सुधांशु कोइराला, टंकप्रसाद काफ्ले (आशिष), रविन्द्र बहादुर हमाल र सञ्जुकुमारी (थारु) चौधरीगरी चारजना प्रतिस्पर्धामा रहेका छन् ।
यस्तै दुई सहसचिवका लागि रेणु सिंह ठाकुर, विश्वराज लम्साल, पूर्ण कुमार सिंह ठकुरी (पुरन) र विनोद कुमार थारुको उम्मेदवारी छ । निर्वाचन अधिकृत उदयमणी आचार्यका अनुसार नयाँ नेतृत्व छान्न १ हजार ४ सय ९३ मतदाताले मतदान गर्न पाउने छन् ।