स्वतन्त्रता दिवसमा भारतीय दूतावासको कार्यक्रम

३० श्रावण २०७६, बिहीबार १६:२९
 

सदरलाइनडटकम,
काठमाण्डौ : काठमाण्डौमा रहेको भारतीय दूतावासले बिहीवार विविध कार्यक्रम गरी ७३ औं स्वतन्त्रता दिवस मनाएको छ । कार्यक्रममा नेपालका लागि भारतीय राजदूत मन्जिव सिंह पुरीले भारत सरकारले नेपालका विभिन्न अस्पताल, गैरनाफामूलक परोपकारी संस्था तथा शैक्षिक संस्थाहरुलाई उपलब्ध गराएको ३० वटा एम्बुलेन्स र ६ वटा बस हस्तान्तरण गरे ।
साथै राजदूत पुरीले भारतीय सेनामा कार्यरत रहँदा वीरगति प्राप्त गरेका सैनिकका परिवारलाई आर्थिक सहायता रकम हस्तान्तरण गरे । भारत सरकारले ३ परिवारलाई वीर नारी, ५ जना एकल महिला र ६ जना दिवंगत सैनिकका परिवारलाई ५ करोड ३१ लाख नेपाली रुपैयाँ बराबरको नगद तथा जिन्सी सहयोग गरेको छ ।
यस्तै दूतावासले ४० वटा पुस्तकालय तथा नेपालका सबै प्रदेशमा फैलिएका शैक्षिक संस्थाहरुलाई पुस्तक सहयोग पनि उपलब्ध गराएको छ ।

Next Post

मुख्यमन्त्री शाहीलाई लक्षित गरि पुनः बम विष्फोट

३० श्रावण २०७६, बिहीबार १६:२९
सदरलाइनडटकम, सुर्खेत : कर्णाली प्रदेशका मुख्यमन्त्री महेन्द्रबहादुर शाहीलाई लक्षित गरेर बम विष्फोट गरिएको छ । उक्त बम विस्फोट नेत्रविक्रम चन्द विप्लवको प्रतिबन्धित समूहका कार्यकर्ताले गरेको प्रहरीको भनाइ छ । कालिकोटको रास्कोट नगरपालिकाको सडक उद्घाटन गर्न जाँदैगर्दा मुख्यमन्त्रीलाई लक्षित गरेर दुई बम विस्फोट भएको प्रहरीले जनाएको छ । मुख्यमन्त्री शाहीको पचालझरना […]

सम्बन्धित