सुर्खेत : सुर्खेतको वीरेन्द्रनगरमा स्थानीय प्रसाशनद्वारा लगाइएको कर्फ्यु मंगलबार साँझ सात बजेबाट हट्ने भएको छ । एमसिसि सदनबाट पारित भएको विषयको बिरोधमा उत्रेका समूहले तोडफोडमा उत्रे पछि जिल्ला प्रशासन कार्यालयले हिजो सोमबार साँझबाट लगाइएको कर्फ्यु आज साँझ सात बजेबाट हटाउने जनाएको हो ।
प्रमुख जिल्ला अधिकारी खगेन्द्रप्रसाद रिजालले अवस्था शान्तिपूर्ण देखिएकाले आदेश हटाइने जानकारी दिए । उनले भने,‘ अवस्था सामान्य भएको र कर्फ्यु अवधिमा कुनै प्रदर्शन नभएकोले अवस्था शान्तिपूर्ण नै देखिएकाले मंगलबार साँझ सात बजेदेखि नै कर्फ्यु हटाउँदैछौं । सोमबार बढी प्रदर्शन भएको क्षेत्रमा भने निषेधाज्ञा तोक्दैछौं ।’
प्रसाशनले निषेधाज्ञा तोकेका क्षेत्रहरुमा यरिचोक, मंगलगढी चोक र हटिया क्षेत्र रहेको छ । केही क्षेत्रमा आदेश जारी रहनसक्ने प्रजिअ रिजालले बताए ।
