नेपालगञ्ज : बाँकेमा आइतबार बाघले फेरी एक स्थानीयमाथि आक्रमण गरेको छ । आइतबार दिउँसो १२ बजे तिर राप्तिसोनारी गाउँपालिका वडा नम्बर ७ झगडियाका एक स्थानीय माथि बाघले आक्रमण गरेर घाइते बनाएको हो ।
घाइते झगडियाका २८ बर्षिय वकिल गद्दीको नेपालगञ्ज मेडिकल कलेज नेपालगन्जमा उपचार भैरहेको छ । स्थानीय मन्डफवा सामुदायिक वन उपभोक्ता समुहको जंगलमा दिउँसो १२ बजेतिर घासदाउरा खोज्न गएका बेला बाघले एक्कासी आफूमाथि आक्रमण गरेको घाइते वकिलले बताए ।
उनका अनुसार केही समयसम्म बाघसंग दोहोरो लडाई भयो । तत्पश्चात बाघले उनलाई भुइँमा पल्टायो र घाटीबाट रगत चुस्न थाल्यो । उनि बेहोस भएपछि घासदाउरा गर्न संङ्गसंङ्गै गएका अन्य साथिहरुले होहल्ला गरे र बाघ त्यहाँबाट भागेको उनले बताए ।
बाघले उनको घाटीको अगाडी र पछाडी दुबैतिर प्वाल पारेको छ । स्थानीयको सहयोगमा अस्पताल पुगेपछि मात्र उनको होस खुलेको स्थानीयले बताए ।
