नेपालगञ्ज : सुर्खेतको वीरेन्द्रनगर–२ खोलीगाउँमा आफ्नै आमालाई कुटपिट गरी हत्या गरेको आरोपमा फरार रहेका एकजनालाई बाँकेबाट पक्राउ गरिएको छ ।
५७ वर्षीया आमा शान्ति थापालाई घाइते बनाइ फरार रहेको अवस्थामा प्रहरीले ३० वर्षीय रमेशबहादुर थापालाई बाँकेको कोहलपुरबाट पक्राउ गरेको हो ।
रमेशले आमालाई अस्ति घर नजिकको खेतमा कुटपिट गरी घाइते बनाएको र हिंजो मृत्यु भएको जिल्ला प्रहरी कार्यालय सुर्खेतले जनाएको छ ।
नियन्त्रणमा लिइएका रमेशलाई सोमवार सुर्खेत जिल्ला अदालतबाट म्याद थप गरी अनुसन्धान गर्ने काम शुरु भएको जिल्ला प्रहरी कार्यालयले जानकारी दिएको छ ।
