नेपालगञ्ज : भारतबाट भन्सार छलेर नेपाल भित्र्याइएको विभिन्न सामग्री बाँके प्रहरीले नेपालगञ्जबाट बरामद गरेको छ ।
बाँकेका एसपी श्यामकृष्ण अधिकारीका अनुसार भारतबाट भन्सार छली चोरी पैठारी गरी ल्याइएको लेडिज कपडा, गहुँ, युरिया मल नेपालगञ्जको गणेशमान चोकबाट बरामद भएको हो । बरामद गरिएको सो सामान करिव ६३ हजार मूल्य बराबरको रहेको उनको भनाइ छ ।
यस्तै भन्सार छलिकै एकलाख बराबरको ताला, चावी र मोजा पनि बरामद गरिएको छ । जिल्ला प्रहरी कार्यालयका प्रहरी सहायक निरीक्षक विवेक अधिकारीको कमाण्डमा खटिएको टोलीले सो सामान बरामद गरेको हो ।
बरामद गरिएको सामान थप कारवाहीका लागि भन्सार कार्यालयमा बुझाइएको एसपी अधिकारीले बताए ।
