नेपालगञ्ज : बाँके प्रहरीले चितुवाको छाला र हड्डीसहित तीन जनालाई पक्राउ गरेको छ ।
कोहलपुर नगरपालिका–११ स्थिति सागर गेष्ट हाउसको कोठा नम्वर २०५ बाट बाँके राप्तीसोनारी गाउँपालिका–९ ढकेरीका ३५ वर्षीय हिरासिंह विक, सुर्खेत पंचपुरी नगरपािलका–७ का रमेश वयक र २८ वर्षीय बसन्त विसीलाई पक्राउ गरिएको हो ।
प्रहरीले उनीहरुको साथबाट चितुवाको छाला एकथान र एक किलो ४० ग्राम हड्डी बरामद गरेको छ । चितुवाको छाला बेचबिखन र ओसार पसार भइरहेको भन्ने सूचनाको आधारमा प्रहरीले शुक्रवार राती होटलमा छापा हानेको थिए ।
त्यही क्रममा उनीहरु पक्राउ परेको डीएसपी रविन्द्र खनालले जानकारी दिए । उनीहरुमाथि थप अनुसन्धान भइरहेको उनको भनाइ छ ।
