बर्दिया : बर्दिया प्रहरीले भारतबाट अवैधरुपमा ल्याइएको कुखुराको चल्लासहित ४ जनालाई नियन्त्रणमा लिनुको साथै चोरी मुद्दामा सजाय तोकेको एकजनालाई समेत नियन्त्रणमा लिएर अदालतमा बुझाएको छ ।
प्रहरीले गुलरिया नगरपालिका वडानं. ८ मा भारतबाट अवैधरुपमा साईकलमा लोड गरी ल्याईरहेको अन्दाजी ६३ हजार बराबरका ४ सय २० ओटा कुखुराका चल्लाहरु सहित ३ जना भारतिय र १ जना नेपाली नागरिकलाई नियन्त्रणमा लिएको हो ।
प्रहरीले पक्राउ परेका चल्लालाई थप आबश्यक कारवाहीको लागि पशु क्वारेन्टिन कार्यालय गुलरिया बर्दियामा पठाईएको जनाएको छ । भारतबाट पन्छी तथा पन्छी जन्यवस्तु आयात गर्न प्रतिबन्धित छ ।
यसैगरी बर्दिया जिल्ला अदालत गुलरियाको मिति २०७७ माघ ५ गतेको फैसला आदेशले चोरी मुद्दामा दुई बर्ष कैद र रू २० हजार जरीवाना तोकिएका फरार कसुरदार जिल्ला बर्दिया गेरुवा गाउँपालिका वडानं ३ बस्ने परिवर्तित नाम थरका व्यक्तिलाई खोजतलास गर्ने क्रममा ईलाका प्रहरी कार्यालय पाताभार बर्दियाको प्रहरी टोलिले कात्तिक १० गते नियन्त्रणमा लिएर बर्दिया जिल्ला अदालत गुलरियामा पेश गरिएको छ ।
